يا امي انت يا نوارة البيت
من كل الدنيا مثلك ما حبيت
بحلاوة قلبك يا حنوني ما لائيت
حسيتي بهمي قبل ما انا حسيت
منك تعلمت ومن جهلي صحيت
رعيت ولادي ويا كثر ما ضحيت.
يا غالي انت يا نوارة البيت
سهرتي عليي ليالي طوال
حققتي لقلبي سعدي والامال
بوجودك يا يما الحلا الجمال
بفديك بعمري يا اغلى من المال
يا ما ياما سهرتي وصبرتي
لحتى ما كبرتي تعبتي وعجزتي
قويتيني يا يما زودتي قدرتي
على حمل العبء وياما زرعتي
بقلبي الجرأة وعدم الخوف
من الدنيا الغدارة وقسوة الظروف
علمتيني ما انكر الخير والمعروف
يا قلب كبير حنون وعطوف
مش خسارة فيك عمري والروح
ياما مسحتي عن قلبي لجروح
وين ما تكوني يا غالي اروح
وعطرك يا يما حواليي يفوح
انا مثلك ياما وياما قاسيت
ولا مرة حكيت ولا مرة شاكيت
على طريقتك وعلى دربك ماشيت
الله يرحم روحك الغالي
يا نظر عيني انت يا نوارة البيت.
ليست هناك تعليقات:
إرسال تعليق