( اقرب من نن عيني )
ياللي روحك سكنت روحي
وقلبك ملك قلبي وشغلني
إسأل قلبك ايه حيرني
وقد إيه حبك غيّرني
من سنين وانا بحلم بيك.
وياما عذبتني غيرتي عليك
وكان هواك أمل مصبرني
ولما حبيتك حبك أثّر فيا وفرحني
واتغيَّر حالي وقلبي اللي گان خالي
اتعلم الحب وسهرني علشانك ليالي
وخلآني افكر فيك ليل ونهار
وبقيت عايش تايه ومحتار
ومش بإيدي خدني حنيني إليك
وحبيت حياتي وأيآمي من حلآوة لياليك
وهجرت كل شيء گان بيشغلني عنك
واتمنيتك حته مني وانا حته منك
ووهبت عمري كله ليك واتمنيت أرضيك
وافرح لما اشوف الفرحه في عنيك
والدنيا اللي گانت عليا قاسيه
لقيتها جنه بتنادي بشوق عليا
شوف حنية قلبك حبيبي عملت إيه فيا
خليتني انسان جديد كإني اتخلقت ليك وانت اتخلقت ليا
وبعد ماكنت زمان خايف من الحب وعذابه
لما دوقت حنانك فتح قلبي للحب أبوابه
يآبحر من الهوي ونهر من المحبة وبر أمان
فرحت قلبي وحليت زماني من كتر الحنان
وتاهت عني نفسي ونسيت عنواني كمان
شوفتك في عيوني للحب ملآك
واتمنيت بعمري كله أكون فداك
ولما تبعد عني تِصَحِّيٰ جوايا كل أنواع العذاب
ولما بتكون بقربي واشوف عنيك انسي حتي العتاب
واحس بدقات قلبي ليك وانت أقرب من نن عيني وغالي
والآقي ضحكة شفايفي بان فيها كل إحساسي
وتوحشني واشتقلك واحس بالود والوصال شاددني لحضنك
وروحي تحوم حواليك العمر كله وتحرصك
واراعيك بحبي وهوايا وما يوم يآ عمري أفكر في هجرك
ولا يقدر قلبي لحظه ينساك او ابعد او انشغل عنك
خواطر ( أشرف الدغيدي )
حقوق الملكية محفوظه
ليست هناك تعليقات:
إرسال تعليق