( طمنيني )
لما حبيتك كنت خايف
ابوح بحبي واسألك
تكوني مشغوله بحد تاني
وعن هوآه كلمك
ولما طمنتي قلبي
مفيش حد تاني بيشغلك
لقيت قلبي فرحان
وبيناديكي ويدقلك
ومن كتر شوقي وحنيني
اتمنيت اجيلك واحضنك
وتوحشيني
تترسم صورتك في خيالي وأكلمك
وياما حكيت عن مشاعري
وبهمس حبي همستلك
ولو غاب عني طيفك ثواني
ألآقي نفسي اشتقتلك
واحلم بروحي خدتني للسمآ
وأحلي عقد من نجومها غزلتلك
وبشوق الدنيا اجري عليكي
كإني غايب سنين ورجعتلك
واسهر معاكي الليل كله
وعن لوعتي وغرآمي احكيلك
واقولك ع اللي جوايا
ودموع عيني بتشكيلك
نفسي احبك الحب كله
ياعمري واعشقك
واعيش معاكي الف عمر
وما يوم أخاصمك أو أزعلك
طمنيني حبيبتي عن قلبك
أصل قلبي عن غرآمه بيسأله
وعن حبي وهوايا
قلبي لقلبك بيطمنه
مستحيل أميل لغيرك
او احب حد تاني
أصل قلبي من يوم ماحبك
شاف معاكي كل الأماني
ياحكاية حب وغرام
عايشه جوايا من زمآن
ماهو عشقك ياحبيبتي
كان بالنسبه ليا كل الأحلآم
يااجمل عيون
شوفت فيها أحلي حب وأجمل غرآم
يا بداية عمري وهنايا
قربك خلآ حكايتي احلي حكآيه
وعن ليالي الهويٰ
قلبي بيسألني امته أتهني بهوآيا
نفسي اتهني بالحب
وقلبي يشوف معاكي الفرَحّْ
وأنسي أيامي قبل منك
وتداوي قلبي اللي إنجرَحّْ
وما يكون بيني وبينك
يآحبيبتي يوم هجر وخصام
ولو فيه يوم خصام
من غير عتاب
تسامحيني واسامحك
وكفايه ياروحي عليا
اشوف في عيونك ابتسامتك
وتبقي جنبي انسي جرحي
وانسي الدنيا وهمها
والضحكه ماتفارقني
وعيني تنسي ليالي دمعها
ياللي طبعك طبع الملايكه
وحنانك ملوش حدود
ياضى عيني ومراية أحلامي
واحلي حاجه فالوجود
كنتي فين يآعمري
غايبه عني من زمان
مكانتش عيني يوم بكت
ولاقلبي شاف أحزان
ده انتي وانتي مش معايا
بفتكر كل لمحه
وكل كلمه قولتهالي بحنان
وتوحشيني افكر فيكي
واحس انا وقلبي بالأمان
وعن حبي وغرامي إتطمني
وإوعي لو يوم أغيب تنسيني
ده حبي ليكي اجمل قدر
إنكتب عليا يابختي ونصيبي
خواطر..( أشرف الدغيدي )
حقوق الملكية محفوظه
ليست هناك تعليقات:
إرسال تعليق