من الشعر العامي العراقي كابتشينو
وين الگهوة والفنجان
صارن للكبتشينا
بابي ينتظر سرمد
يلعب بوبجي يعينه
يسولف عن حچي مينا
حچي بيه للغمان سليمة
تمدنه على المجروح يهضيمه
چان الناس متعلمين گول الحگ أهو دينه
من يحچي حچي معدل
يوگف حتى ملك الموت
من يزأر شرار وناز من عينه
عمره مايخاف الحگ
ماضي چان وسنينه
وين الگهوة والفنجان
تمثال بأرض خيرات تبچي دوم سنينه
مر الگهوه بي نيشان للمعروف بي قيمة
ماتنشرب گبل الحگ للكلفات بيرغ بيه حامينا
أخو أخته
أخو فلانه
للزينات يتحدى ويدور الموت راعينا
حسافه الوكت يتغير
گهوتنا أصبحت كأس كبتيشنو
جابوها حمل دولار
ممسوخه خنزير فيهم اعتباره
بيها للفقرا حجار
مسروقة من التجار
لادين لهم لادار
لاعنوان حامينا
انه أمر يكون
يوم لاينفع مال أو بنون
الحساب أمر صادر
سيكون
وعد مكتوب أنتظاره
أنها الدنيا
تدور
يومها لله
نصرخ
حسبنا ربي عليهم
زمرة تكفر تحطم بالسلام
زمرة تشرب دماء الفقراء
زمرة هم الجميع بطونهم
تحمل حرام
العراق بقلمي
ليست هناك تعليقات:
إرسال تعليق