الكاروك مأساة أم تركههااولادها
الزمن دار بألم الشيب غطيته
گلت أولدي ينتخي وي أمه ولبيته
تاليها خرگة يحط بدمعتي يفرح
بعد الحمل بالرحم الچان اله ملعب
يوم اليشم الهوى الموت يحييني
كل طلقه بيها ألم تموتني تبچيني
صرختك يبني ترد الفرحة تنسيني
الألم ذاك الجرى الفرح تعطيني
انظر ألك في الكبر اللگمة تنطيني
تاليها تأخذ أمر حتى تداويني
عمري دفعت ثمن وياك ماغزر
من صدري تأكل ولَك تطعني بخنجر
ان خلص در الصدر أعظامي ترمرم
تكبر بصحة وسعد واني المرض هدني
من يوم نطفة صرت أحملك دوم بفرح
كاروك جبته آلك فرحانة بي أنت
أهزك ياروح القلب أدعيلك الدعوات
ياربي أبني يظل يدعيلي بدعوات
تاليها أبقى انا بالفانيه وحدي
لا ولد تسأل عليه من ضاع كل عمري
حسبالي ولدي تظل حمالة همي
غلطانة أحمل غلط يوم الحسبتك حيد
شفتك رچيچ العظم مابيك زود وعلو
احرگت روحي انا بحرگ كارورك
النار بيها تشتعل من ألم روح وهم
صرخت الأم بحزن لله شكوى دوم
الدنيا بيها الحزن بالمال لاتغتر
الما يحب الأهل دنياه نار وجمر
أمك دعاء الأرض لله كم وصاله
جنات هي آلك دعوه آلك تعتق
من نار ماتنجرع بيها الجسد يذوب
امك سفينة نجاة هي الخلود وبس
ظافر ضهد الاسدي
العراق بقلمي
من الشعر العراقي العامي
ليست هناك تعليقات:
إرسال تعليق