( خلينا ننسي )
ليه ياحبيبي أحبك واخلص في حبك
وانت عليآ قاسي وزي الدنيا غدآر
وإزاي تنسي العهد اللي بينا
لمآ خدناه سوآ في أول المشوآر
ورغم حبي ليك گان حب صافي
حب مليان عطف وحنان
ليه ياحبيبي طِلعت غدار
وفي الحب مگار وملكش أمان
وياما قلبي خدعني لمآ حُبك
فرشلي الأرض بُستان
كل ده ولسه جاي تقول كلام واحلام
طلعت كلها أوهام
رغم انك عارف ان كل دقة فقلبي
گانت بتدق لك شوق وغرام
يخساره علي اللي افتكرناهم
اهالينا وحبايبنا
وطلعوا اغراب علينا
مش حاسين بطيبة وحنية قلوبنآ
ايه بس اللي جرالك ياقلبي
وليه كل ساعة تقول دول حبايبي
وليه بتداري شوقك وحنيتك
وفاكرني هقدر أداري وأخبي
وليه بتفتح جروحك
بعد ماكنت نسيت عذابك
ونسيت هجرك وألآمك
ونسيت معاهم كمان أيامك
تبيع هوانا ياحبيبي وعاوزنا
نِحِنّْ ليك وننسي عذاب نفوسنا
وان كنت ناسي عنادك سنين معانا
وكسرة قلوبنا بفرحة لُقانآ
تعالي ياحبيبي بصبرنا نفكرك
وكنت بتهمل هوانا واحنا برضوا بنتحملك
دا إحنا كنا ليك زي الشمس في دفاها
وانت تنكر حبنا وتهجر قلوبنا وهواها
وان كنت ناسي تعالي وإسأل السهد فى عنيآ
واسأل يقاسي وناكر كمان الوجد اللى بيآ
وليه فاكر ليالي عذاب حبي وضناه
وناسي اللي عملوا حبك ياحبيبي فيآ
وليه ناسي لمآ كنت بتدور على الحزن والهموم وانا بترجاك
وگانت كل حته فيآ ياحبيبي بتهواك وبتتمناك
حتي العيون گانت بالدموع بتنادي علي هواك
وانت تعاند وعنى تغيب وتبعد بعيد
وتخلي قلبي إللي كان معاك حزين وحيد
ليه ياحبيبى ناسي حنيتي وناسي سهر الليالي وعذاب انتظارى
ولهفتى لما كنت تغيب ودموعي مشتاقه تمسحها بايديك
وانت بيآ ولا انت داري
حتي ياقاسي نسيت فرحة ايديآ وهي بتحضن ايديك
ولما كنت اشوفك كنت زي الطفل ملهوف وباجري عليك
تعالي ياحبيبي نرجع اللي فات لسه حبك في قلبي مانتهاش
وخلينا ننسي ونسامح ونصون حبنا دي الحياه من غير حب ماتتعاش
خواطر..( أشرف الدغيدي )
حقوق الملكية محفوظه
ليست هناك تعليقات:
إرسال تعليق