( وآخرتها معاك ياحب )
والله ياحب جننت قلبي معاك
اعمل وانا بقلبي وروحي وفكري بهواك
ازاي تبقي عيني مشتقالك
وانت ليل ونهار معايآ
وقلبي علي طول ملهوف عليك
وانت ساكن ياحب جوايآ
ياحبيبي والله حبك تعبني كتير
وتوه عقلي من كتر التفكير
وهواك علي طول محيرني
والفكر والبال بيك مشغول ومسهرني
ازاي اشتقلك وتوحشني
وانت ليل ونهار مابتفارقني
وازاي تبقي مرسوم علي نن عيني
وساكن جوه قلبي بين ضلوعي
وابقي ملهوف عليك وشوقي مجنني
وازاي روحي تبقي ساكنه روحك
وهواك دايماً ملوعني ومعذبني
ادلل ياحب عليآ بس بلاش تلوعني
دانت حبيبي وعمر حبك ماغاب لحظه عني
وبلاش ياعيون حبيبي تشاغليني
وتتوهيني في سحرك وعن وعي تغيبيني
هو انا لمين ياحب جيت في الدنيا ديآ
إلاّ علشان اوهب عمري لحبيبي اللي ربنا بعته ليآ
وبحبي وحناني اسعد قلبه وارويه
هو انا ياحب باتنفس ايه وعايش بإيه
باتنفس بزفير معطر بانفاس حبيبي اللي وهبولي ربي
ولو بعدت عنه الهوا يخنقني واجري عليه يلحقني
آه ياحب آه .وآه منك ومن عمايلك فيآ
جدت الأمل لحياتي بعد ماجيت ليآ
كنت عايش ومش عايش في الدنيا ياحب قبلك
وكان قلبي بيدق من غير احساس وكان املي ياحب اقابلك
ولما جيت صحيت الشوق في قلبي وفيآ
وخليتوا يرتعش كل دقه من دقاته بيدقهالك
وآخرتها معاك ياحب عملت فيا كده ليه
سحرتني بكل حته فيك وجننتني بيك
وعيشتني في جنه عمري ماحلمت بيها
وحسستني باحاسيس عمري مافكرت فيها
خليتني عايش علي طول في الهوي ودايب
وخليت كل الناس في عنيآ قلوبها طاهره وحبايب
ومليت قلبي واحاسيسي بالحنيه
وراحت من حياتي الأحزان ومن قلبي الأسيه
الله عليك ياحب والله علي الغرام والعشق وسنينه
ده اللي ملوش حبيب فالدنيا عايش ياناس مسكين
عايش بقلب بيدق وهو مليان حزن وآهات أنين
ومحروم ياعيني عليه من حلاوة الشوق والحنين
والدنيا ظلماه وشايف كل القلوب أسيه عليه
والبسمه والفرحه هجراه ومش عارف عايش ليه
ياحب هات غرامك وحنانك وتعالي ومتبقاش بخيل
وإملآ قلوب البشر من غير حدود ومن غير مثيل
وخلي كل الناس قلوبها تفرح وبالحب تتهني
وبلاش تخلي الحبايب علي بعض تأسي و تتجني
وإملآ قلوبهم حب وغرام ووشوهم جمال وعيونهم حنيه
وخليهم يعيشوا سوا عيشه مرتاحه وهنيه
من غير هجر ومن ألم ومن غير كمان خصام
ومن غير غدر وظلم وكره ويحققوا بحبهم كل الاحلام
ويفضلوا علي طول مع بعض وحبايب من غير فراق
ويعيشوا حياتهم مليانه حب وحنيه وتكويهم نار الأشواق
وتبقي الدنيا مليانه رضا وسعاده وحب زي زمان
وقلوبهم مليانه طيبه ونفوسهم مطمنه وحاسه بالأمان
وابعد ياحب عن عيون الحبايب الاحزان والدموع
وخليك معشش بيوتهم وقيد ليهم علي طول الشموع
وصبر يارب اللي اتحرم من حبيبه وعوضه بحبيب غيره
يحن عليه وما يغدر بيه ويفضل العمر قريب وحته منه
وابعد يارب عن الحبايب العوازل والحساد و الشياطين
وريح بالهم ونقي نفوسهم وعن قريب يكونوا لبعض راجعين
ولا تنجرح قلوب كانت في الحب يوم وفيه
ولا تندبح قلوب من قلوب حبتها وكانت مليانه ليها غدر وأسيه
ويموت الظلم في قلوبنا والحب ينتصر عليه ويدوم
ومايعيش حد فينا من الحب والسعاده والفرح محروم
خواطر ..( أشرف الدغيدي )
حقوق الملكية محفوظه
ليست هناك تعليقات:
إرسال تعليق