سالفة
سالفة بيها ريحة شتا
وريحة ليل
ريحة گمر خلف الغيوم
ريحة ليل هو ونجومه معلگه فوگ السما
ريحة دموع امغمصه بقطرات المطر
كل ليلة منتظر الليل
يريد خلان متسامرة
مايريد
دموع من الظلم
سالفة
دم و كومةرصاص مرصعة فوگ الصدور
ريحة دخان وگلب و أم تبچي بلوعة وحرگ
شايله گلیبها قطعة جمر
سالفة
بيها وطن،
وين الوطن؟
ضايع
ضايع بسوگ الحرامية
بين السچاچین امگطع گطع
کلها ترکض و تصیح
انا اريدن وطن
بین فردة حذاء سودة انصابت رصاصة
وانصبغت بلون الحمر
وثوب ابيض
صار أحمر
مكتوب عل الصدره
بخط عريض
"نريد وطن"!!
،
منقول ، بقلم صديقة عراقية —
ليست هناك تعليقات:
إرسال تعليق