ما في اجمل من الاستقلالية.
اللي بتصيير من قوة الشخصية.
هي الثقة بالنفس بتصنع الحرية.
تقدر تتصرف كيف ما بدك.
ولما بتمشي ما حدا ادك.
والله بالسعادة والفرح بمدك.
بتحس الله دايما حدّك.
لما تطلب المعونة بستجيب ما بردك
لما بتخاف ربك وماشي بالدنيا عفيف
بتشعر بالامان وبكون همك خفيف.
انت بس اتكل عليه وقول يا لطيف.
ابعد عن اذيّة الغير.
بتلائي بوجهك كل الخير.
الشوك بطريقك حرير.
اعتدت طول عمري
الاعتماد على نفسي
وما يوم مديت ايدي.
ولا قلت لحدا يا سيدي.
سيدي وتاج راسي بس ربي.
اللي راحمني ومخفّف غلبي.
واقف معي دايما بالشدة.
مطوِّل بعمري المدة.
احسّه موجود حدّي.
ياما شفت بحياتي مخاطر.
وياما شفت اشكال ومساطر.
دايما حريصة وعالمفيد اصرّ
ما ضمرت لحدا الشر.
ولا سائيت لحدا المر.
اتعوّذ من الشيطان
لا احقد ولا اعرف القر
ما تاجرت بسيرة الناس
لو توجهولي اقول لا بأس
طيبة كتير وكلي احساس
ما كنت ادوّر الا عالوناس
وكنت حذرة من الخناس.
عشت حياتي رافعة الراس
صرت غالي بقيمة الالماس.
ما حسدت انسان على ماله.
ما براقب وتاركي الكل بحاله.
ليست هناك تعليقات:
إرسال تعليق