في13/4/2020
الشاعر المصري أحمد إبراهيم النجار
يكتب ( مابحلمشي )
اكون فارس ولا دارس
فنون الزار
ولا عايز اكون سحار
ولا عاشق اكون بحار
وامشي جوة موج ليلك
ولا عايز اعيش
لحظة شروق ويلك
مابحلمشي
خلاص الحلم في عيونك
سواد مرسوم
ودرب هموم
واعيش اليوووووووم
على قدومك بدمع النار
مابحلمشي
اكون فارس ولا دارس
فنون الزار
ولا عايز اكون سحار
ولا اسحر عينيكي ف يوم
ده انا عايز فؤادك يوم
يحسني يوم يحسني يوم
واحضن فيكي الأحلام
واعيش أيام سنين ماتخاف
ولا تنهار ده انا السلطان
وانتي ملكة الوادي
في صورة بنت مصريه
عيونها السود
ببسمة في خد وردية
سمار اللون
في بنت جميله نوبيه
بطعم النيل على الضفه
عسل ساكن على الميه
في بنت اصيله صعيديه
يا رمش العين يا حوريه
يا بنت ف لهجه بدوية سيناويه
يا دلتا حب في عيون الجمال
فارد بدور بدور لحد البورسعيديه
عروسه البحر مين هي ؟حورية؟
وعشقك يا اسكندرانيه
بقلم الشاعر المصري
أحمد إبراهيم النجار
ليست هناك تعليقات:
إرسال تعليق