بتاريخ 14/4/2020
الشاعر المصري أحمد إبراهيم النجار
يكتب ( حداد )
لما تصرخ يوم عنيكي وتلاقيكي
مش قادرة تمسح يوم ايديكي
اللي نازل من بحور
من خداعك من وداعك الف عام
وفيكي مكسو ووورة الضلوع
والصرخة فى عيونك اهات
فيها جرح وفيها خوف
والسكات اصبح سطور
ف الذكريات قلبي مات
حلمي مات
املي بات فوق رصيف المحرومين
قولي امتي الفجر امتي ف يوم يعود؟
قولي امتي الحلم يحيا بعد موت ؟
قولي امتي الوهم ينشق ع الغصون ؟
ويوم انول طرف ثوبك
او ربيعك او شروقك
جوة شوقك بين ضلوعك
تحضني قلبى إللى نازف
م الجراح الف عام
الف عام والشوق ما نام
رغم بعدي سكنه نني
جوة حرفي قريبه مني
حتي فجري بيعتذر
عن رجوعه
عن طلوعه
لما بدري في ليلى فات
والسكات اصبح سطور
فوق مسارح واللي جارح
قلبي من لحظة غروب
الشمس غابت من دروب
العاشقين
قولي امتي الفجر امتي ف يوم يعود؟
قولي امتي الحلم يحيا بعد موت؟
قولي امتي الوهم ينشق ع الغصون ؟
قولي امتي ف يوم انول
طرف ثوبك
او ربيعك
او شروقك
جوة شوقك
بين ضلوعك تحضني
قلب نازف م الجراح
الف عام والشوق ما نام
رغم بعدي سكنه نني
جوة حرفي قريبه مني
حتي فجري بيعتذر عن رجوعه
عن طلوعه لما بدري في ليلى فات
والسكات اصبح سطور الذكريات
قصه مكتوبه حكايات ألف ليلة
جرح فيها قلبي بات
فوق رصيف المحرومين
قولي بس ازاي وليه ؟
قلبي يصرخ ف الضلوع
والصرخة من صوت الفؤاد
ده انتي قلبك
والله اقوي م الحديد
والحداد بعلن بموت قلبي الشهيد
بقلم الشاعر المصري أحمد إبراهيم النجار
ليست هناك تعليقات:
إرسال تعليق