شرطوطه
قالوا كلمة ومظبوطه
فوق الدكة شرطوطة
لو هانت هالدني عليك
بترجع بتقسي شروطا
لا ترتاح تمد جريك
وتلعب طابة وتشوطا
وازمات الكون حواليك
مصيبة بازمة مربوطه
حرب ونهب الدنيا هيك
فلوسك طارت ملهوطه
سلطة بدها زعيم وبيك
الواحد حدو عبوطه
وان صبوا شحمه عالزيت
معنا بتولع شرؤوطه
غلا و قهر وحجر البيت
صرنا نمشي ع جنوطه
وكورونا كمل ياريت
العبره صارت مزلوطه
وان بعدك لسا ما اكعيت
عرس وزفه وخربة بيت
ناقص منها الزلغوطة
خضر خليفة
ليست هناك تعليقات:
إرسال تعليق